Khatu Shyam Bhajan Lyrics – Gaud Bengal Se Aai Re
Lyrics in Hindi
गौड़ बंगाल से आई रे चाल के,
एक ब्राह्मण की जाई,
खाटू में देखि,
श्याम तेरी सकलाई।।
ब्राह्मणी के घर माय,
कमी ना धन धान की,
सारी बाता ठाट हो रया,
इच्छा थी संतान की,
भक्ता से सुनी चर्चा,
श्याम भगवान की,
ब्राह्मणी पति से बोली,
सुणो पीया म्हारी बात,
खाटू में है श्याम धणी,
गठ जोड़े की देवा जात,
पुत्र को वरदान मांगू,
थे भी चालो म्हारे साथ।।
दोहा – नित उठ पूजा ज्योतिषी,
पूज्या देव तमाम,
एक पुत्तर के कारणे म्हारो,
पड्यो बांझणी नाम।
अर्ज मान ल्यो थे पीव म्हारी,
खाटू में है श्याम बिहारी,
आशा पुरे दाता थारी,
जल्दी सी करो थे चढाई रे,
खाटू में देखि,
श्याम तेरी सकलाई।।
ब्राह्मण जद बात मानी,
सासु सुसरा अंट गया,
दौरानी जिठानी देवर,
जेठ सारा नट ग्या,
खाटू घणो दूर लागे,
सारा घर का नटग्या,
पुत्तर को भी बीयोग सेती,
सुणो म्हारा सासुजी,
कालजो उफ़ान आवे,
सूखे कोणी आँसू जी,
लाग्यो है उमाओ म्हारे,
में तो खाटू ज्यासु जी,
दोहा – देवर जिठानी ननद ने,
यु कहती समझाय,
घर में दोलत धन घणो जी
कुण पिसे कुण खाय।
आने जाने में दिन दस लागे,
खाण पीवण ने ले ल्यो सागे,
कुन जाणे के होसी आगे,
सास नणद समझाई रे,
खाटू में देखि,
श्याम तेरी संकलाई।।
रथड़े में बैठ गया,
नाम ले गणेश को,
घणा दिना से चाव लाग्यो,
मरुधर देश को,
मनडे में विश्वाश म्हारे,
खाटू के नरेश को,
दोनु मानस चाल पड्या,
घर मंजला घर कूंचा,
खाटू हाले खारडे में,
दोपहरी में जाय पहुंच्या,
बड़ी बड़ी झांडी खड़ी,
बड़ा बड़ा खड्या रूंख।।
दोफारी को तावड़ो,
धाड़ी मिलग्या चार,
धन की पेटी लूट ली जी,
भाई दियो विप्र ने मार,
धाड़ी लूट लियो है रथ ने,
कुण जाणे दाता तेरी गत ने,
पड़यो तड़फतो देख्यो कंत ने,
कुरजा ज्यूँ कुरजाई रे,
खाटू में देखि,
श्याम तेरी सकलाई।।
हो श्याम धणी दातार गयो करतार,
उमर मेरी बाली उमर मेरी बाली,
महाराज उमर मेरी बाली,
मैं आई बेटो लैण पीव दे चाली,
मेरी सास नणद रही बर्ज,
पुत्र की गरज,
बरजता चाली,
महाराज बरजता चाली,
मैं आई भरण ने गोद,
मांग होई खाली।
मैं पाछी किस बिद जाँऊ,
मैं खाय जहर मर जाँऊ,
पति के संग जल मर जाँऊ,
दुनिया में नाम कर जाँऊ।।
सासुजी सुनेगा मेरी,
कुछ ना रहे बाकी,
गेल को इतिहास बाबा,
जँगा जँगा भरे साखी,
जद जद भीड़ पड़ी,
नारियों की लाज राखी,
गणिका,अहिल्या,भिलनी,
कुबड़ी और कर्मा बाई,
नानी बाई को भात जिस्यो,
भरे कोणी सागी भाई,
मेरी बात राख धणी,
साँचो जाण शरण आई।
दोहा – द्रोपदी की लज्जा रखी,
मेरो राख सुहाग,
बन में अबला लूट गई रे भाई,
जाग धनिडा जाग।
ब्राह्मण को मुख जोवन लागि,
धीरज मन को खोवण लागि,
बिलख बिलख कर रोवण लागि,
आखिर जात लुगाई,
खाटू में देखि,
श्याम तेरी सकलाई।।
सुणो भगत की अर्ज,
इंद्र स्यु गरज,
सिंघासन धुज्यो,
महाराज सिंघासन धुज्यो,
तेरा भगत करे अरदास,
श्याम ने पूजयो,
काच्ची निंद्रा गई टूट,
सांवरो उठ,
सम्भाल्यो घोड़ो,
मैं बिछड्यो देऊ रे मिलाय,
भगत को जोड़ो।।
झट पाँव पागड़े घाल्यो,
घोड़ो पवन बेग से चाल्यो,
धणी लियो हाथ में भालो,
संग में अंजनी को लालो।।
भगत पुजारी तेरा,
खड्या हाथ जोड़ के,
दोफ़ारी में चाल्यो धणी,
सिंघासन ने छोड़ के,
डरे मत बेटी तेरो,
बाबो आवे दौड़के,
टिबड़े से ढल्यो जद,
लीले ने ललकार के,
दुश्मना की रात काटी,
मारी तलवार के,
ब्राह्मण कन आयो धणी,
डाकू ने मार के।।
दोहा – ब्राह्मण सुत्यो ताल में,
सिर धड़ हो रया दोय,
देख दशा भरतार की रे भाई,
रही ब्राह्मणी रोय।
श्याम धणी तेरे आवे आडो,
मोर पंख को दे दियो झाड़ो,
ब्राह्मण बदल्यो झठ पसवाड़ो,
डूबेड़ी नाव ने तिराइ,
खाटू में देखि,
श्याम तेरी सकलाई।।
ब्राह्मण किन्यो चेत,
रयो है देख,
हाथ में भालो,
महाराज हाथ में भालो,
वो खड्यो सामने आप,
भगत रखवालो,
श्याम कहे सुण बिप्र,
छोड़ दे फ़िक्र,
घरा थे चालो,
महाराज घरा थे चालो,
यो मारणियो से बड़ो,
बचावन वालो।।
ब्राह्मणी उठी रे हरसाई,
धणी की माया दरसाई,
झठ पड़ी चरण में आई,
मन भोत घणी तरसाई,
देर होगी माफ़ करदे,
बोल रयो खाटू नाथ,
पीताम्बर से आंसू पुछ्या,
धरयो है सर पर हाथ,
मुख सेती मांगले,
सो देऊ इण स्यात,
अन्न धन का भंडार भरे,
भू बेटा से आंगणो,
ज्ञान को प्रकाश करदे,
ह्रदय माहि चानङो,
मरया पछै मुक्ति दे दे,
और कांई मांगणो।।
दोहा – अन्न धन दिन्या मोकला,
पुत्र घणो परिवार,
दूजो जग में कोण है जी,
श्याम जिस्यो दातार।।
श्याम नाम को मारग झिणो,
श्याम नाम को अमृत पीनो,
ब्रज मोहन को गाँव है रिणो,
प्रभु जी की करी रे बड़ाई रे,
खाटू में देखि,
श्याम तेरी सकलाई।।
गौड़ बंगाल से आई रे चाल के,
एक ब्राह्मण की जाई,
खाटू में देखि,
श्याम तेरी सकलाई।।
Lyrics in Hinglish
Gaud Bengal se aai re chaal ke,
Ek Brahman ki jai,
Khatu mein dekhi,
Shyam teri saklai.।
Brahmani ke ghar mai,
Kami na dhan dhaan ki,
Saari baata thaath ho raya,
Iccha thi santaan ki,
Bhakta se suni charcha,
Shyam Bhagwan ki,
Brahmani pati se boli,
Suno piya mhari baat,
Khatu mein hai Shyam dhani,
Gath jode ki deva jaat,
Putra ko vardaan maangu,
The bhi chaalo mhare saath.।
Doha – Nit uth pooja jyotishi,
Poojya dev tamaam,
Ek puttar ke kaarne mharo,
Padyo baanjhni naam.
Arj maan lyo the peev mhari,
Khatu mein hai Shyam Bihari,
Aasha pure daata thari,
Jaldi si karo the chadhai re,
Khatu mein dekhi,
Shyam teri saklai.।
Brahman jad baat maani,
Saasu susra ant gaya,
Daurani jithani devar,
Jeth saara nat gya,
Khatu ghano door lage,
Saara ghar ka natgya,
Putra ko bhi biyog seti,
Suno mhara saasuji,
Kaaljo ufaan aave,
Sookhe koni aansu ji,
Lagyo hai umao mhare,
Main to Khatu jyasu ji.
Doha – Devar jithani nand ne,
Yu kehti samjhaay,
Ghar mein dolat dhan ghano ji
Kun pise kun khaay.
Aane jaane mein din das lage,
Khaan peevan ne le lyo saage,
Kun jaane ke hosi aage,
Saas nand samjhaai re,
Khatu mein dekhi,
Shyam teri sanklai.।
Rathde mein baith gaya,
Naam le Ganesh ko,
Ghana dina se chaav lagyo,
Marudhar desh ko,
Mande mein vishwas mhare,
Khatu ke naresh ko,
Donu maanas chaal padya,
Ghar manjla ghar kooncha,
Khatu haale kharde mein,
Dopahri mein jaay pahunchya,
Badi badi jhaandi khadi,
Bada bada khadya runkh.।
Do-fari ko taavdo,
Dhaadi milgya chaar,
Dhan ki peti loot li ji,
Bhai diyo vipr ne maar,
Dhaadi loot liyo hai rath ne,
Kun jaane daata teri gat ne,
Padyo tadfato dekhyo kant ne,
Kurja jyun kurjaai re,
Khatu mein dekhi,
Shyam teri saklai.।
Ho Shyam dhani daata gyo kartaar,
Umar meri baali, umar meri baali,
Maharaj umar meri baali,
Main aai beto lain peev de chaali,
Meri saas nand rahi barj,
Putra ki garaj,
Barajta chaali,
Maharaj barajta chaali,
Main aai bharan ne god,
Maang hoi khaali.
Main paachi kis bid jaau,
Main khaay zeher mar jaau,
Pati ke sang jal mar jaau,
Duniya mein naam kar jaau.।
Saasuji sune ga meri,
Kuch na rahe baaki,
Gel ko itihaas baba,
Janga janga bhare saakhi,
Jad jad bheed padi,
Nariyon ki laaj raakhi,
Ganika, Ahilya, Bhilni,
Kubdi aur Karma Bai,
Nani Bai ko bhaat jiso,
Bhare koni saagi bhai,
Meri baat raakh dhani,
Sancho jaan sharan aai.
Doha – Droupadi ki lajja rakhi,
Mero raakh suhag,
Ban mein abla loot gayi re bhai,
Jaag Dhanida jaag.
Brahman ko mukh jovan lagi,
Dheeraj man ko khovan lagi,
Bilakh bilakh kar rovan lagi,
Aakhir jaat lugai,
Khatu mein dekhi,
Shyam teri saklai.
Suno bhagat ki arj,
Indra syu garaj,
Singhasan dhujyo,
Maharaj singhasan dhujyo,
Tera bhagat kare ardaas,
Shyam ne poojyo,
Kacchi nindra gayi toot,
Sanwaro uth,
Sambhalyo ghodo,
Main bichhaddyo deu re milay,
Bhagat ko jodo.
Jhat paanv paagde ghalyo,
Ghodo pavan beg se chaalyo,
Dhani liyo haath mein bhalo,
Sang mein Anjani ko laalo.
Bhagat pujari tera,
Khadya haath jod ke,
Do-fari mein chaalyo dhani,
Singhasan ne chhod ke,
Dare mat beti tero,
Babo aave daudke,
Tibde se dhalyo jad,
Leele ne lalkaar ke,
Dushmana ki raat kaati,
Mari talwar ke,
Brahman kan aayo dhani,
Daaku ne maar ke.
Doha – Brahman sutyo taal mein,
Sir dhad ho raya doy,
Dekh dasha Bharatara ki re bhai,
Rahi Brahmani roy.
Shyam dhani tere aave aado,
Mor pankh ko de diyo jhaado,
Brahman badalyo jhat paswaado,
Doobedi naav ne tirai,
Khatu mein dekhi,
Shyam teri saklai.
Brahman kinyo chet,
Rayo hai dekh,
Haath mein bhalo,
Maharaj haath mein bhalo,
Wo khadyo saamne aap,
Bhagat rakhwalo,
Shyam kahe sun bipr,
Chhod de fikr,
Ghara the chaalo,
Maharaj ghara the chaalo,
Yo maaranio se bado,
Bachaavanwalo.
Brahmani uthi re harsai,
Dhani ki maya darsai,
Jhath padi charan mein aai,
Man bhot ghani tarsai,
Der hogi maaf karde,
Bol rayo Khatu Nath,
Peetambr se aansu puchhya,
Dharyo hai sar par haath,
Mukh seti maangle,
So deu in syat,
Ann dhan ka bhandaar bhare,
Bhoo beta se aango,
Gyaan ko prakaash karde,
Hriday maahi chaano,
Marya pachai mukti de de,
Aur kaai maangan.
Doha – Ann dhan dinya mokla,
Putra ghano parivaar,
Doojo jag mein kon hai ji,
Shyam jiso daata.
Shyam naam ko maarg jhino,
Shyam naam ko amrit peeno,
Braj Mohan ko gaon hai rino,
Prabhu ji ki kari re badai re,
Khatu mein dekhi,
Shyam teri saklai.
Gaud Bengal se aai re chaal ke,
Ek Brahman ki jai,
Khatu mein dekhi,
Shyam teri saklai.
About the Bhajan (English)
This is a Khatu Shyam devotional bhajan, telling the legendary story of Shyam’s blessings to a Brahmin family from Bengal. The lyrics describe devotion, miracles, and moral lessons interwoven with folklore. Sung in Rajasthani/Hindi dialect (Khatu Shyam region, Rajasthan), this bhajan evokes deep devotion, reverence, and a connection to Lord Shyam’s divine grace.
भजन के बारे में (Hindi)
यह भजन खाटू श्याम को समर्पित है और बंगाल के ब्राह्मण परिवार की कथा पर आधारित है। गीत में भक्ति, चमत्कार और नैतिक शिक्षा को लोककथा शैली में प्रस्तुत किया गया है। यह भजन राजस्थानी/हिंदी बोली (खाटू श्याम क्षेत्र) में है। इसे सुनने या गाने से गहरी भक्ति और भगवान श्याम के प्रति श्रद्धा का अनुभव होता है।
